کابینہ کا داسو ہائیڈرو پاور پروجیکٹ کی سیکیورٹی کیلئے ٹاسک فورس تشکیل دینے کا فیصلہ
27 جون, 2023 20:55
اسلام آباد: وفاقی کابینہ نے داسو ہائیڈرو پاور پروجیکٹ کی سیکیورٹی کیلئے ٹاسک فورس تشکیل دینے کا فیصلہ کیا ہے۔
وفاقی کابینہ سے وزارت داخلہ کی سمری کی سرکولیشن کے ذریعے منظوری لے لی گئی۔
ذرائع کے مطابق سیکیورٹی کیلئے داسو ہائیڈرو پاورپروجیکٹ ٹاسک فورس لیڈ ایجنسی ہوگی، فوج، پنجاب رینجرز، جی بی اسکاؤٹس، پولیس اور لیویز سیکیورٹی پر تعینات ہوگی، ٹاسک فورس کے تحت واپڈا سیکیورٹی فورس،پرائیویٹ سیکیورٹی گارڈز بھی تعینات ہوں گے۔
ذرائع کا کہنا ہے کہ ٹاسک فورس منصوبے کیلئے جامع سیکیورٹی پلان مرتب کرے گی، ٹاسک فورس مکمل داسو ہائیڈرو پاور پروجیکٹ کی سیکیورٹی یقینی بنائے گی، پروجیکٹ پر کام کرنے والے مقامی، چائنیز، غیر ملکیوں کی سیکیورٹی یقینی بنائی جائے گی۔
ذرائع کے مطابق منصوبے کی سیکیورٹی پرمامور تمام اہلکار ٹاسک فورس کی کمانڈ کے ماتحت ہوں گے، ٹاسک فورس کی تشکیل کیلئے خیبر پختونخواہ حکومت نے درخواست کی تھی۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
