مدت پوری ہونے پر حکومت چھوڑ دیں گے: وزیراعظم شہباز شریف

01 جولائی, 2023 11:42

مدت پوری ہونے پر حکومت چھوڑ دیں گے: وزیراعظم شہباز شریف

لاہور: وزیر اعظم پاکستان شہباز شریف کا کہنا ہے کہ مدت پوری ہونے پر حکومت چھوڑ دیں گے۔

لاہور میں پریس کانفرنس کرتے ہوئے وزیراعظم شہباز شریف کا کہنا تھا کہ الیکشن کا اعلان اور اس کا انعقاد کرنا الیکشن کمیشن کا کام ہے، یہ کام الیکشن کمیشن کو آئین کے مطابق کرنا ہے۔

ان کا کہنا تھا کہ الیکشن میں اگر اللہ نے کسی اور کو موقع دیا تو ہم بھرپور تعاون کریں گے ، اگر ’تم‘ اور ’میں‘ کو چھوڑ کر ’ہم‘ نہ بنے تو پاکستان ترقی نہیں کرے گا۔

یہ بھی پڑھیں: شہباز شریف کامیاب : پاکستان اور آئی ایم ایف کے درمیان اسٹاف لیول معاہدہ طے پاگیا

شہباز شریف نے کہا کہ آئی ایم ایف سے معاہدہ راتوں رات مہنگائی کم نہیں کرے گا، مہنگائی سے انکار کرنا خود کو دھوکا دینے والی بات ہے۔