25 جون سے ہونیوالی بارشوں سے 86 افراد جاں بحق ہوئے : این ڈی ایم اے

11 جولائی, 2023 11:46

25 جون سے ہونیوالی بارشوں سے 86 افراد جاں بحق ہوئے : این ڈی ایم اے

حالیہ مون سون بارشوں سے اب تک ملک بھر میں 86 افراد جاں بحق ہوگئے ہیں،نیشنل ڈیزاسٹر مینجمنٹ اتھارٹی نے ملک میں حالیہ بارشوں سے متعلق رپورٹ جاری کی ہے۔

این ڈی ایم اے کی رپورٹ کے مطابق ملک میں 25 جون سے اب تک ہونے والی بارشوں کے دوران پیش آنے والے حادثات میں 86 افراد جاں بحق ہوچکے ہیں۔

رپورٹ میں بتایا گیا ہےکہ بارشوں کے دوران سب سے زیادہ ہلاکتیں پنجاب میں ہوئیں جس کی تعداد 52 تک ہے، اس کے علاوہ خیبرپختونخوا میں 20 ،بلوچستان 6 ، سندھ 5 اور آزاد کشمیر میں 3 اموات ریکارڈ کی گئیں۔

رپورٹ کے مطابق ملک بھر زخمی ہونے والے افراد کی تعداد 151 ہے جن میں 56 مرد 43 خواتین اور 52 بچے شامل ہیں جب کہ اس دوران ملک بھر میں 97 گھروں اور 46 مویشیوں کو نقصان پہنچا۔

یہ پڑھیں : ساحلی علاقے آندھی، سمندری طوفان اور سیلاب کی زد میں آسکتے ہیں: این ڈی ایم اے