خیبر: باڑہ بازار تحصیل کمپاؤنڈ میں دھماکا، پولیس اہلکار شہید ، 10 افراد زخمی
20 جولائی, 2023 12:34
خیبر کے باڑہ بازار میں تھانے کے قریب دھماکے کے باعث ایک پولیس اہلکار شہید ہوگیا۔
ذرائع کا بتانا ہے کہ دھماکے کے نتیجے میں 10 افراد زخمی ہوئے ہیں جنہیں فوری طبی امداد کے لیے قریبی اسپتال منتقل کیا گیا ہے۔
ذرائع کا کہنا ہے کہ باڑہ مارکیٹ میں دھماکے کے بعد پولیس نے علاقے کو گھیرے میں لے لیا اور ریسکیو اہلکار جائے وقوعہ پر پہنچ گئے ہیں۔
پولیس کے مطابق خیبر کے باڑہ بازار کی تحصیل کمپاؤنڈ میں تھانے کے مرکزی گیٹ کے قریب دھماکا ہوا جس کے بعد علاقے میں شدید فائرنگ بھی کی گئی۔
یہ بھی پڑھیں: خضدار میں دھماکا، ایک پولیس انسپکٹر شہید ہوگئے
پولیس کا کہنا ہے کہ کمپاؤنڈ کے اندر باڑہ تھانہ، سرکاری اور دیگر اہم دفاتر ہیں جب کہ تھانے کے اندر سی ٹی ڈی سیل بھی ہے۔
پولیس کے مطابق ابتدائی تحقیقات کے نتیجے میں باڑہ بازار میں دھماکا بظاہرخودکش لگ رہا ہے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
