پشاور، خیبر دھماکے کے 3 زخمی صحتیاب ایک کی حالت تشویشناک

21 جولائی, 2023 12:02

ضلع خیبر کے علاقے باڑہ تحصیل کمپاونڈ دھماکے میں زخمی تین اہلکاروں کو حیات آباد میڈیکل کمپلکس سے ڈسچارج کردیا گیا ۔

حیات آباد میڈیکل کمپلکس کے ترجمان کے مطابق خیبر دھماکے کے 9 زخمی حیات آباد میڈیکل کمپلکس لائے گئے جن میں سے 3 زخمیوں کو طبی امداد کے بعد فارغ کر دیا گیا ہے۔

یہ خبر بھی پڑھیں خیبر: باڑہ بازار تحصیل کمپاؤنڈ میں دھماکا، پولیس اہلکار شہید ، 10 افراد زخمی

6 زخمی ابھی بھی زیر علاج ہیں جن میں ایک کی حالت تشویش ناک بتائی جارہی ہے۔ زخمی اس وقت سرجیکل آئی سی یو کے وینٹیلیٹر پر زیر علاج ہے۔

یاد رہے کہ گزشتہ روز ضلع خیبر کے علاقے باڑہ تحصیل کمپاونڈ میںہونے والے دھماکے میں چار پولیس اہلکار شہید جبکہ 9 زخمی ہوئے تھے۔