کراچی ائیرپورٹ سے امارات فرار ہونے کی کوشش کرنیوالا مطلوب انسانی اسمگلر گرفتار

22 جولائی, 2023 11:48

کراچی ائیرپورٹ سے امارات فرار ہونے کی کوشش کرنیوالا مطلوب انسانی اسمگلر گرفتار

کراچی: ایف آئی اے امیگریشن نے کراچی کے جناح انٹرنیشنل ائیر پورٹ سے متحدہ عرب امارات جانے والے انتہائی مطلوب انسانی اسمگلر کو حراست میں لے لیا۔

ایف آئی اے امیگریشن حکام نے کراچی جناح انٹرنیشنل ائیر پورٹ پر کارروائی کے دوران پشاور زون کو مطلوب انسانی اسمگلر نقاش خان کی یو اے ای فرار ہونے کی کوشش ناکام بنائی، ملزم کا نام بلیک لسٹ میں ہونے کی بنا پر اسے پرواز سے آف لوڈ کرکے حراست میں لیا گیا۔

امیگریشن حکام کے مطابق ملزم نقاش خان مختلف افراد کو غیر قانونی طور سے بیرون ملک بھجوانے کے مقدمے میں مطلوب تھا۔

ملزم کو قانونی کارروائی کے بعد ایف آئی اے پشاور کی ٹیم کے حوالے کیا جائے گا۔