لاہور میں ڈی آئی جی شارق جمال کی اچانک پر اسرار موت ہوگئی
22 جولائی, 2023 12:00
لاہور: ڈی آئی جی شارق جمال کی اچانک پر اسرار موت ہوگئی۔
ذرائع کا کہنا ہے کہ ڈی آئی جی شارق جمال لاہور کے علاقے ڈی ایچ اے میں واقع گھرمیں رات گئے مردہ پائے گئے۔
ذرائع لے مطابق لاش کو پوسٹ مارٹم کیلئے اسپتال منتقل کردیا گیا ہے، موت کے وقت شارق جمال گھر میں اکیلے تھے۔
ذرائع نے بتایا کہ ڈی آئی جی شارق جمال نے اپنے 2 ملازمین کو کام سے گھر سے باہر بھیجا تھا، جیسے ہی ملازم گھر واپس آئے تو ڈی آئی جی کو مردہ پایا جس کے بعد پولیس کو اطلاع کی گئی۔
ذرائع کے مطابق ڈی آئی جی شارق جمال کے اہل خانہ دوسرے گھر میں موجود تھے، پولیس کی جانب سے واقعہ کی مزید تحقیقات شروع کردی گئی ہیں۔
واضح رہے کہ شارق جمال ڈی آئی جی ٹریفک اور ڈی آئی جی ریلویز بھی رہے جبکہ ان دنوں وہ او ایس ڈی کے عہدے پر فائز تھے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
