کراچی: غیرت کے نام پر شوہر نے بھائیوں کیساتھ سے مل کر بیوی کی ناک کاٹ دی

22 جولائی, 2023 11:51

کراچی: غیرت کے نام پر شوہر نے بھائیوں کیساتھ سے مل کر بیوی کی ناک کاٹ دی

کراچی: منگھو پیر میں غیرت کے نام پر شوہر نے بھائیوں کے ساتھ سے مل کر بیوی کی ناک کاٹ دی۔

پولیس کے مطابق واقعے میں ملوث خاتون کے شوہر اسماعیل کو گرفتار کرلیا گیا ہے جبکہ ملزم کے بھائیوں لقمان اور خمیسہ کی تلاش میں چھاپے مارے جا رہے ہیں۔

پولیس حکام کا کہنا ہے کہ شوہر کا الزام ہے کہ اسے اپنی اہلیہ کے کردار پر شبہ تھا۔

پولیس حکام نے بتایا کہ خاتون کے دیور نے واقعے کے بعد خاتون کے والد کو فون کر کے واقعے سے آگاہ کیا، باپ کے پہنچنے پر دیور نے خاتون کی ناک کاغذ میں لپیٹ کر اسے دے دی، واقعے کا مقدمہ متاثرہ خاتون کے والد کی مدعیت میں درج کرلیا گیا ہے۔