نگراں وزیراعظم کا فیصلہ مشاورت سے ہوگا ایک پارٹی نہیں کر سکتی: حافظ حمد اللہ

24 جولائی, 2023 15:32

نگراں وزیراعظم کا فیصلہ مشاورت سے ہوگا ایک پارٹی نہیں کر سکتی: حافظ حمد اللہ

اسلام آباد: پیپلز پارٹی کے بعد پی ڈی ایم کی طرف سے بھی اسحاق ڈار کے نام پر وضاحت آگئی۔

حافظ حمد اللہ کا اپنے ایک بیان میں کہنا تھا کہ ہوسکتا ہے ن لیگ نے نگراں وزیراعظم کیلئے اسحاق ڈار کا نام فائنل کرلیا ہو، ابھی تک پی ڈی ایم کیساتھ اس معاملے پر مشاورت ہونا باقی ہے۔

یہ بھی پڑھیں: نگراں وزیراعظم کیلئے پی پی نے ابھی تک کسی نام کی منظوری نہیں دی: شرجیل میمن

ان کا کہنا تھا کہ پی ڈی ایم اور حکمران اتحاد کے پلیٹ فارم سے باقاعدہ فیصلہ نہیں ہوا۔

انہوں نے کہا کہ نگراں وزیراعظم کا فیصلہ مشاورت سے ہوگا ایک پارٹی فیصلہ نہیں کر سکتی۔