حالیہ مون سون بارشوں میں اب تک 150 افراد جان کی بازی ہار گئے

26 جولائی, 2023 11:47

این ڈی ایم اے نے حالیہ مون سون بارشوں سے جانی و مالی نقصان سے متعلق رپورٹ پیش کردی۔ 25 جون سے اب تک ملک بھر میں 150 افراد جان کی بازی ہار گئے۔

این ڈی ایم اے کے مطابق سب سے زیادہ اموات پنجاب میں 66 رپورٹ ہوئیں ، خیبرپختونخوا سے 41، بلوچستان سے 6 ، سندھ سے 15 اور آزاد کشمیر سے 6 جبکہ گلگت بلتستان سے 5 افراد زندگی کی بازی ہار گئے۔

یہ بھی پڑھیں کراچی میں کورنگی کازوے پر 2افراد پانی کے بھاؤ میں بہہ گئے ،پولیس

مون سون بارشوں سے وفاقی دارالحکومت میں 11 افراد جاں بحق ہوئے۔

حالیہ بارشوں سے ملک بھر میں 233 افراد زخمی ہوئے جن میں سے 147 افرادپنجاب میں زخمی ہوئے۔ملک بھر میں کل 468 گھروں کو بھی نقصان پہنچا۔