9 اور 10 محرم الحرام کو خیبرپختونخوا کے 14 اضلاع میں موبائل سروس بند رکھنے کا فیصلہ
28 جولائی, 2023 10:53
پشاور: 9 اور 10 محرم الحرام کو خیبرپختونخوا کے 14 اضلاع میں موبائل سروس بند رکھنے کا فیصلہ کیا گیا ہے۔
ذرائع محکمہ داخلہ کے مطابق پشاور، ایبٹ آباد، مانسہرہ، ہری پور، کوہاٹ شہر، ہنگو، کرم، اورکزئی، بنوں شہر، لکی مروت، ڈی آئی خان اور ٹانک میں نویں محرم الحرام اور عاشورہ کے موقع پر امام بارگاہوں کے آس پاس موبائل فون سروس معطل رہے گی۔
ذرائع کا کہنا ہے کہ یوم عاشور کو پشاور میں صدر، اندرون شہر، پشتخرہ، نوتھیہ، حسن گھڑی، تہکال، پچگی روڈ اور وڈپگہ میں رات 9 بجے تک موبائل سروس معطل رہے گی۔
یہ بھی پڑھیں: محرم الحرام کے دوران ملک بھر میں فوج تعینات کرنے کا فیصلہ
محکمہ داخلہ کے ذرائع نے بتایا کہ مردان شہر میں یوم عاشورہ کو صبح 8 سے رات 10 بجے تک موبائل سروس بند رہے گی جبکہ نوشہرہ کینٹ میں نویں اور دسویں محرم الحرام کو موبائل سگنلز معطل رہیں گے۔
ذرائع محکمہ داخلہ کا کہنا ہے کہ نویں اور دسویں محرم الحرام پر موبائل فون پر انٹرنیٹ سروس بھی معطل رہے گی البتہ لینڈ لائن وائی فائی پر انٹرنیٹ سروس بحال ہوگی۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
