آئی ایم ایف معاہدہ نہ ہوتا تو ہمارا پلان بی تیار تھا: وزیر خزانہ

30 جولائی, 2023 15:17

آئی ایم ایف معاہدہ نہ ہوتا تو ہمارا پلان بی تیار تھا: وزیر خزانہ

اسلام آباد: اسحاق ڈار کا کہنا ہے کہ آئی ایم ایف معاہدہ نہ ہوتا تو ہمارا پلان بی تیار تھا، اب تمام ادائیگیاں وقت پر ہوں گی، انتظامات مکمل ہیں۔

وزیر خزانہ اسحاق ڈار کا سینیٹ اجلاس سے خطاب کرتے ہوئے کہنا تھا کہ آئی ایم ایف کے ساتھ معاہدے کو بروقت مکمل کیا جائے گا، آنے والے دو تین مہینوں کی ادائیگیوں کا بندوبست کررکھا ہے۔

یہ بھی پڑھیں: اسٹاک ایکسچینج: رواں ہفتے 100 انڈیکس 20 ماہ کی بلند ترین سطح پر رہا

اسحاق ڈار کا کہنا تھا کہ تمام ادائیگیاں وقت پر ہوں گی، انتظامات مکمل ہیں۔

انہوں نے کہا کہ آئی ایم ایف معاہدہ نہ ہوتا تو ہمارا پلان بی تیار تھا، دنیا چاہتی تھی کہ پاکستان ڈیفالٹ کر اس پر تماشا بنے، لیکن ہم نے اپنی پوری کوشش کی اور تمام ادائیگیاں وقت پر کیں۔