معدنیاتی پروجیکٹس عوام کی ترقی کا زینہ ہیں ، آرمی چیف

آرمی چیف جنرل سید عاصم منیر نے پاکستان منرل سمٹ سے خطاب کرتے ہوئے کہا ہے کہ معدنیاتی پروجیکٹس عوام کی ترقی کا زینہ ہیں۔

آرمی چیف نے کہا کہ حکومت پاکستان نے تمام اداروں کے ساتھ مل کرایس آئی ایف سی کے قیام کو یقینی بنایا۔ اسپیشل انویسٹمنٹ فیسیلیٹیشن کونسل ( SIFC )کا قیام تمام شراکت داروں کو ایک پلیٹ فارم پر لاتا ہے۔

آرمی چیف نے مزید کہا کہ یہ ہماری معاشرتی ذمہ داری ہے کہ ہم ملکی معیشت میں اپنا کردار ادا کریں۔ ہمیں کبھی امید کا دامن نہیں چھوڑنا چاہئے۔

جنرل عاصم منیرنے قرآنی حوالہ دے کر واضح کیا کہ ۔ }اللہ ان کی مدد کرتا ہے جو خود اپنی مدد آپ کرتے ہیں{

سرمایہ کاروں کو دعوت

آرمی چیف نے بیرک گولڈ کے سی ای او اور پریذیڈنٹ مارک برسٹو اور سعودی مائننگ منسٹر انجینئیر خالد بن صالح المدیفر اور دیگر سرمایہ کاروں کا سمٹ میں شرکت پرشکریہ ادا کیا۔

یہ بھی پڑھیں پاکستان میں 6 ٹریلین ڈالرز کےمعدنی ذخائر ہیں، منرل سمٹ سے وزیر اعظم کا خطاب

انہوں نے کہا کہ ہماری سرزمین بہت سے معدنیات سے مزین ہے ۔ اس صلاحیت کو مکمل طریقے سے استعمال میں لانے کے لیے ہم بیرونی سرمایہ کاروں کو دعوت دیتے ہیں کہ پاکستان میں چھپے خزانوں کی دریافت میں اپنا کردار ادا کریں۔

آرمی چیف کا کہنا تھا کہ پاکستان کا پہلا منرل سمٹ پاکستان میں ملکی وغیر ملکی سرمایہ کاروں آسان کاروبار کے نئے اصول وضع کرتا ہے۔ ہم ایسے سرمایہ کار دوست نظام کو یقینی بنائیں گے جس میں آسان شرائط اور غیر ضروری التواء سے بچا سکے۔ ہمارے ملک میں موجود کان کنی کے وسیع تر مواقع ہیں جو کہ مشترکہ کاوشوں سے عمل پذیر لائے جائیں گے ۔

جنرل عاصم منیر نے کہا کہ ذرا اپنے ملک پر نظر تو ڈالیں، برف پوش پہاڑوں سے لے کر صحرائوں کی وسعت تک ، ساحلی پٹی سے میدانی علاقوں تک۔ اس سر زمین میں کیا کچھ نہیں ہے ۔
سورہ رحمان میں اللہ رب العزت نے فرمایاہے کہ “اور تم اپنے رب کی کون کون سی نعمتوں کو جھٹلاؤ گے”
اگر ہمارا یہ مشترکہ عزم رہا تو پھر آسمان کی بلندیاں ہماری حد اور اسکی وسعتیں ہماری منتظر ہیں۔