حکومت نے عوام پر پیٹرول بم گرادیا، 19روپے 95پیسے فی لیٹر مہنگا کردیا

01 اگست, 2023 11:55

حکومت نے عوام پر پیٹرول بم گرادیا، 19روپے 95پیسے فی لیٹر مہنگا کردیا

مسلم لیگ ن کی اتحادی حکومت نے جاتے جاتے عوام پر پیٹرول بم گرادیا۔ پیٹرول کی فی لیٹر قیمت میں19 روپے 95 پیسے کا اضافہ کردیا۔

وفاقی وزیر خزانہ اسحاق ڈار نے پیٹرولیم مصنوعات کی نئی قیمتوں کا اعلان کرتے ہوئے کہا کہ آئی ایم ایف پروگرام میں ہونے کی وجہ سے قیمتوں میں کمی نہیں کرسکتے۔ ملکی مفاد کو مد نظر رکھتے ہوئے کم سے کم اضافہ کیا جارہا ہے۔

یہ بھی پڑھیں بلوچستان کے اہم سیاسی رہنما مسلم لیگ ن میں شامل ہونے کو تیار

اسحاق ڈار نے کہا کہ پیٹرول کی فی لیٹر قیمت میں19 روپے 95 پیسے جبکہ ڈیزل کی فی لیٹر قیمت 19 روپے90 پیسے بڑھادی گئی۔ پیٹرول کی نئی قیمت 272 روپے 95 پیسے جبکہ ڈیزل کی نئی قیمت 273 روپے 40 پیسے ہوگئی۔

اسحاق ڈار کہتے ہیں قیمتوں میں اضافہ فوری طور پر نافذ العمل ہوگا۔