چودھری پرویز الہٰی اڈیالہ جیل سے رہا ہوتے ہی دوبارہ گرفتار
14 اگست, 2023 14:21
راولپنڈی: پاکستان تحریک انصاف کے صدر چوہدری پرویز الٰہی کو اڈیالہ جیل سے رہا کرتے ہی دوبارہ گرفتار کرلیا گیا۔
جیل انتظامیہ کے مطابق پرویز الٰہی کو نظر بندی آرڈر کی مدت مکمل ہونے کے بعد اڈیالہ جیل سے رہا کیا گیا۔
ذرائع کا کہنا ہے کہ نیب راولپنڈی نے چوہدری پرویز الٰہی کو جیل سے رہا ہوتے ہی حراست میں لے لیا۔
نیب ذرائع کا بتانا ہے کہ چوہدری پرویز الٰہی کو ڈیوٹی مجسٹریٹ خالد حیات کی عدالت میں پیش کیا جائے گا۔
نیب کی جانب سے عدالت سے چوہدری پرویز الٰہی کے راہداری ریمانڈ کی استدعا کی گئی، دلائل سننے کے بعد ڈیوٹی مجسٹریٹ خالد حیات نے فیصلہ محفوظ کر لیا۔
ڈیوٹی مجسٹریٹ نے کہا کہ پرویز الٰہی بزرگ ہیں انہیں اوپر لانے کی بجائے گاڑی میں ہی وکالت نامے پر دستخط کروائیں۔
خیال رہے کہ سابق وزیراعلیٰ پنجاب چوہدری پرویز الٰہی کو 19 جولائی کو کیمپ جیل لاہور سے نکال کراڈیالہ جیل پہنچایا گیا تھا۔ پرویز الٰہی کو 3 ایم پی او کے تحت نظربند کیاگیا اور ان کی نظر بندی کے احکامات ڈپٹی کمشنر لاہور نے جاری کیے تھے جو 30 روز کے لیے تھے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
