81 مسافروں کو لیکر اسکردو ایئر پورٹ پر پہلی بین الاقوامی پرواز کی لینڈنگ

14 اگست, 2023 16:37

81 مسافروں کو لیکر اسکردو ایئر پورٹ پر پہلی بین الاقوامی پرواز کی لینڈنگ

اسلام آباد: اسکردو ایئر پورٹ پر پہلی بین الاقوامی پرواز کی لینڈنگ ہوگئی، پہلی بین الاقوامی پرواز دبئی سے 81 مسافروں کو لے کر اسکردو پہنچی۔

ایف آئی اے امیگریشن اسٹاف نے مسافروں کا شاندار استقبال کیا، ایف آئی اے کی جانب سے مسافروں کی استقبالیہ پر سوغات سے تواضع کی گئی۔

ایف آئی اے امیگریشن اسٹاف نے مسافروں کا امیگریشن پراسیس خوش اسلوبی سے مکمل کیا، تمام پراسیس ڈپٹی ڈائریکٹر ایف آئی اے امیگریشن اسکردو عبدالرحمان کی نگرانی میں مکمل کیا گیا۔

مقامی انتظامیہ اور ایئرپورٹ پر موجود دیگر اداروں نے ایف آئی اے کے انتظامات کو بھی سراہا۔

پہلی بین الاقوامی روانگی کی پرواز مورخہ 22 اگست کو دبئی کیلئے روانہ ہوگی۔