جنوبی وزیرستان میں دہشتگردوں سے مقابلہ :6 جوان شہیداور 4 دہشت گرد جہنم واصل

22 اگست, 2023 16:24

جنوبی وزیرستان میں دہشتگردوں سے مقابلہ :6 جوان شہیداور 4 دہشت گرد جہنم واصل

جنوبی وزیرستان میں دہشت گردوں سے فائرنگ کے تبادلے میں 6 فوجی جوان شہید اور 4 دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے آسمان منزہ میں فورسز اور دہشت گردوں کے درمیان فائرنگ کا تبادلہ ہوا۔

آئی ایس پی آر کے مطابق سکیورٹی فورسز نے مؤثر طریقے سے دہشت گردوں کے ٹھکانے کا پتا لگایا اور اس دوران فائرنگ کے تبادلے میں 4 دہشت گرد مارے گئے جب کہ 2 دہشت گرد زخمی ہوئے۔

آئی ایس پی آر کا بتانا ہےکہ دہشتگردوں سے فائرنگ کے تبادلے میں 6 سپاہی شہید ہوگئے، علاقے میں دہشتگردوں کے خاتمے کے لیے آپریشن جاری ہے۔

آئی ایس پی آر کا کہنا ہے کہ پاکستان کی مسلح افواج دہشتگردی کے خاتمے کے لیے پُرعزم ہے۔