مستونگ میں دھماکا، جے یو آئی رہنما حافظ حمد اللہ زخمی

14 ستمبر, 2023 14:50

مستونگ میں دھماکا، جے یو آئی رہنما حافظ حمد اللہ زخمی

کوئٹہ: بلوچستان کے ضلع مستونگ میں دھماکے سے جے یو آئی رہنما حافظ حمد اللہ زخمی ہوئے۔

ذرائع کے مطابق دھماکا حافظ حمد اللہ کی گاڑی کے قریب ہوا ہے جس میں وہ زخمی ہوئے، حافظ حمد اللہ کو فوری طبی امداد کے لیے قریبی اسپتال منتقل کردیا گیا ہے۔

ذرائع کا کہنا ہے کہ دھماکے میں مجموعی طور پر تین افراد زخمی ہوئے ہیں جنہیں اسپتال منتقل کردیا گیا ہے۔

یہ بھی پڑھیں: پشاور : سیکیورٹی فورسز کی گاڑی کے قریب دھماکا،8 افراد زخمی

پولیس اور دیگر قانون نافذ کرنے والے اداروں نے جائے وقوعہ کو گھیرے میں لے لیا ہے اور شواہد اکٹھے کیے جارہے ہیں۔

ترجمان جے یو آئی کے مطابق حافظ حمداللہ کوئٹہ سے قلات جارہے تھے۔