پیر، 1-دسمبر،2025
اتوار 1447/06/09هـ (30-11-2025م)

نواز شریف کو مائنس کرنے والے خود مائنس ہو چکے ہیں: مریم نواز

16 ستمبر, 2023 19:28

پشاور: مریم نواز کا کہنا ہے کہ نواز شریف نے سیاسی انتقام کا سامنا کیا لیکن سیاسی انتقام کبھی نہیں لیا، نواز شریف کو مائنس کرنے والے خود مائنس ہو چکے ہیں۔

خیبر پختونخوا میں پارٹی ونگز کے مشاورتی اجلاس سے خطاب کرتے ہوئے ن لیگ کی سینئر نائب صدر مریم نواز نے کہا ہے کہ چار سال میں پاکستان کی معیشت، معاشرت اور مفادات کی بنیادیں ہلا دی گئیں، وفاق پاکستان کے مفادات کا تحفظ صرف نوازشریف کرسکتا ہے، نواز شریف خوش آمدید، مایوسی کے اندھیرو الوداع، معمار پاکستان ویلکم بیک، سازشیو گڈ بائے۔

مریم نواز کا کہنا تھا کہ نوازشریف نے قوم سے کئے ہر وعدے کو پورا کیا، پاکستان کے اتحاد، مفاداور ترقی کا نام نوازشریف ہے، سیاسی انتقام کا سامنا کیا لیکن سیاسی انتقام کبھی نہیں لیا، نواز شریف کو مائنس کرنے والے خود مائنس ہو چکے ہیں۔

ان کا کہنا تھا کہ اکیس اکتوبر کو پاکستان اپنے قائد کا تاریخی استقبال کرے گی، نواز شریف نہیں آرہا، پاکستان کی خوش حالی کا دور واپس آ رہا ہے۔

یہ بھی پڑھیں: نوازشریف قوم کو مہنگائی، معاشی بدحالی سے نجات دلانے آ رہا ہے: مریم نواز

سینئر نائب صدر ن لیگ کا کہنا تھا کہ نوازشریف وہ ہے جس نے پاکستان کا واحد آئی ایم ایف پروگرام کامیابی سے مکمل کیا ۔نوازشریف نے 2017 میں آئی ایم ایف کو خداحافظ کہہ دیا تھا۔نوازشریف کا دیا ترقی کا سفر جاری رہتا تو پاکستان آج بحرانوں کا شکار نہ ہوتا۔نوازشریف کا دیا ترقی کا سفر جاری رہتا تو آج بجلی گیس پیٹرول مہنگے نہ کرنے پڑتے۔

انہوں نے کہا کہ آئندہ انتخابات میں عوام مینڈیٹ نوازشریف کو دیں ، نوازشریف عوام کو ریلیف دیں گے۔

Catch all the بریکنگ نیوز News, پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔