پیر، 1-دسمبر،2025
اتوار 1447/06/09هـ (30-11-2025م)

پیٹرول کی قیمتوں میں اضافہ، امیر جماعت اسلامی کراچی کا احتجاج کا اعلان

17 ستمبر, 2023 13:54

کراچی: حافظ نعیم الرحمان کا کہنا ہے کہ ملک کو ڈیفالٹ سے بچانے کے بہانے عوام کو ڈیفالت کردیا گیا، عوام کو اپنے حق کیلئے باہر نکلنا ہوگا، شہریوں کو پرامن اور زبردست احتجا ج کرنا ہے۔

امیر جماعت اسلامی کراچی حافظ نعیم الرحمان کا میڈیا سے گفتگو کرتے ہوئے کہنا تھا کہ پیٹرولیم مصنوعات میں دوبارہ اضافہ ظالمانہ ہے، جماعت اسلامی آج اسٹار گیٹ پر احتجاج کرے گی، عوام کو اپنے حق کیلئے باہر نکلنا ہوگا، شہریوں کو پرامن اور زبردست احتجا ج کرنا ہے، کراچی سمیت پورا ملک میدان میں نکلے اور احتجاج کرے، کل سراج الحق کی سربراہی میں دھرنا ہوگا۔

حافظ نعیم الرحمان کا کہنا تھا کہ اگر حکومت نے مزاحمت کی کوشش کی تو منہ کی کھانا پڑے گی، گزشتہ دنوں وزیر خزانہ کو بتایا گیا 15 ہزار بسوں کی ضرورت ہے، بتایا جائے کہ بسیں نہیں اور پیٹرول مہنگا ہے تو عوام سفر کیسے کریں، ڈالر کی قیمتیں کم کرکے ڈرامہ کیا جارہا ہے، پیٹرول، گیس بجلی کی قیمتیں بڑھانے سے معیشت برباد ہوجاتی ہے۔

یہ بھی پڑھیں: مہنگائی کا ایک اورطوفان: پیٹرول 26 روپے 2 پیسے فی لیٹر اور ڈیزل 17 روپے 34 پیسے مہنگا

ان کا کہنا تھا کہ ملک کو ڈیفالٹ سے بچانے کے بہانے عوام کو ڈیفالت کردیا گیا، آئی ایم ایف کے نام پر عوام کو مشکلات میں ڈالا جارہا ہے، آئی ایم ایف ایجنڈے کو ہر طرح سے آگے بڑھایا جارہا ہے، آپ کا مینڈیٹ لوگوں کو خودکشی کرنے پر مجبور کررہا ہے۔

انہوں نے کہا کہ جو ہم پر مسلط ہیں یہ آئی ایم ایف کے غلام ابن غلام ہیں، ملک میں انتخابات کے بجائے سب کچھ کیا جارہا ہے۔

Catch all the بریکنگ نیوز News, پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔