آنے والے دنوں میں بجلی کے بل زیادہ نہیں آئیں گے: نگراں وزیراعظم

نیو یارک: انوار الحق کاکڑ کا کہنا ہے کہ غریب طبقات کو ریلیف دینے کیلئے صاحب ثروت افراد کردار ادا کریں، آنے والے دنوں میں بجلی کے بل زیادہ نہیں کم ہوں گے۔

نیو یارک میں میڈیا کو انٹرویو دیتے ہوئے نگراں وزیراعظم انوار الحق کاکڑ کا کہنا تھا کہ مقبوضہ کشمیر کے عوام مظالم کا شکار ہیں، کشمیر کے معاملے پر عالمی سطح پر اپنا مؤقف پیش کرتے ہیں، کشمیری بہن، بھائی بھارتی ظلم و جبر کا مقابلہ کررہے ہیں، پاکستان میں کوئی بھی حکومت ہو کشمیر پر مؤقف ایک ہونا چاہیے۔

انوار الحق کاکڑ کا کہنا تھا کہ موسمیاتی تبدیلی، اسلاموفوبیا سے متعلق بھی اجلاس میں بات ہوگی، معاشی بحالی سے متعلق بھی اجلاس میں بات کی جائے گی، آئی ایم ایف کی ایم ڈی نے ہمارے اقدامات پر اطمینان کا اظہار کیا، اسمگلنگ کی روک تھام کیلئے عملی اقدامات کیے جارہے ہیں، معیشت کی بہتری کیلئے تمام اقدامات کیے جارہے ہیں، پسے ہوئے طبقات کی فلاح وبہبود ہماری ترجیح ہے، توانائی کے شعبے میں اصلاحات کی جارہی ہیں۔

ان کا کہنا تھا کہ غریب طبقات کو ریلیف دینے کیلئے صاحب ثروت افراد کردار ادا کریں، آنے والے دنوں میں بجلی کے بل زیادہ نہیں کم ہوں گے، توانائی کے شعبے میں اصلاحات کے بغیر معیشت کی بہتری ممکن نہیں، سیلاب متاثرہ علاقوں میں تعمیر و نو ہماری ترجیح ہے۔

یہ بھی پڑھیں: سربراہ آئی ایم ایف کی انوار الحق کاکڑ سے ملاقات، امیروں سے مزید ٹیکس وصولی پر زور

انیوں نے کہا کہ سکھ تحریک کے رہنما کے قتل میں بھارت ملوث ہے، بھارت میں بڑھتی ہوئی شدت پسندی خطے کے امن کیلئے خطرہ ہے۔