اللہ نے موقع دیا تو نیا پاکستان ضرور بنائیں گے: جہانگیر ترین

24 ستمبر, 2023 14:16

اللہ نے موقع دیا تو نیا پاکستان ضرور بنائیں گے: جہانگیر ترین

پاک پتن: استحکام پاکستان پارٹی کے سربراہ جہانگیر ترین کا کہنا ہے کہ اللہ نے موقع دیا تو نیا پاکستان ضرور بنائیں گے۔

پاک پتن میں سیلاب متاثرین میں امدادی سامان تقسیم کرنے کی تقریب سے خطاب کرتے ہوئے انہوں نے کہا کہ پرانی پارٹی میں کچھ لوگوں کی وجہ سے عوام کی خدمت نہیں کر سکے، اب دوسرا موقع ضائع نہیں کریں گے۔

ان کا کہنا تھا کہ 75 برسوں میں ایسے حالات نہیں جو آج درپیش ہیں، پاکستان کو صحیح معنوں میں طاقتور ملک بنائیں گے، اللہ نے موقع دیا تو نیا پاکستان ضرور بنائیں گے۔

یہ بھی پڑھیں: پارٹی کا نام چوری کرنے پر جہانگیر ترین کو لیگل نوٹس

انہوں نے کہا کہ حکومتیں اگر عوامی خواہشات پر چلیں تو سب کچھ ٹھیک ہوسکتا ہے۔