جب تک حکومت اپنے فیصلے واپس نہیں لیتی احتجاج جاری رہے گا: سراج الحق
25 ستمبر, 2023 10:10
کوئٹہ: سراج الحق کا کہنا ہے کہ بجلی، گیس اور پیٹرول کی قیمتوں میں اضافہ فوری واپس لیا جائے، جب تک حکومت اپنے فیصلے واپس نہیں لیتی احتجاج جاری رہے گا۔
امیر جماعت اسلامی سراج الحق کا کوئٹہ میں دھرنے کے شرکا سے خطاب کرتے ہوئے کہنا تھا کہ گورنر ہاؤسز کے باہر غریبوں کیلئے الگ اور اندر الگ نظام ہے، پاکستان کے پڑوسی ممالک ترقی کرگئے، پاکستان میں عوام 2 وقت کی روٹی کے لیے محتاج ہے، میری لڑائی مہنگائی، ظلم و جبر اور نا انصافی کے خلاف ہے۔
سراج الحق کا کہنا تھا کہ آصف زرداری، نواز شریف، چیئرمین پی ٹی آئی ودیگر نے قرضے لیے، عوام پر ٹیکس لگانے کے بجائے ان حکمرانوں کے اثاثے ضبط کیے جائیں، تینوں جماعتیں ایک بیج پر ہیں، آٹا، ادویات اور ڈرگ مافیا ان تینوں جماعتوں میں ہے۔
انہوں نے کہا کہ پی ڈی ایم میں بھی ایک جماعت ایسی نہیں تھی جن کے ساتھ چلا جاتا، پی ڈی ایم نے پیپلز پارٹی اور (ن) لیگ کے نیب کیسز ختم کرائے، یہ وہ لوگ ہیں جنہوں نے کشمیر کو بھارت کے حوالے کیا۔
یہ بھی پڑھیں: پیٹرول کی قیمتوں میں اضافہ، امیر جماعت اسلامی کراچی کا احتجاج کا اعلان
ان کا کہنا تھا کہ بجلی، گیس اور پیٹرول کی قیمتوں میں اضافہ فوری واپس لیا جائے، جب تک حکومت اپنے فیصلے واپس نہیں لیتی احتجاج جاری رہے گا۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
