الیکشن کرانا تو الیکشن کمیشن کی ذمے داری ہے ہم معاونت کریں گے: نگراں وزیر اعلیٰ سندھ
28 ستمبر, 2023 20:34
کراچی: جسٹس (ر) مقبول باقر کا کہنا ہے کہ الیکشن کی تاریخ آنے کے بعد مزید تیاریاں ہوجائیں گی، الیکشن کرانا تو الیکشن کمیشن کی ذمے داری ہے ہم معاونت کریں گے۔
نگراں وزیر اعلیٰ سندھ جسٹس (ر) مقبول باقر کا جی ٹی وی کے پروگرام "جی فار غریدہ” میں گفتگو کرتے ہوئے کہنا تھا کہ نگراں حکومت الیکشن کمیشن کو معاونت کرنے کیلئے تیار ہے، نگراں حکومت جتنا ہوسکے گا تعاون کرے گی، صاف و شفاف الیکشن کرانے کے لیے مکمل تیار ہیں، الیکشن کی تاریخ آنے کے بعد مزید تیاریاں ہوجائیں گی۔
جسٹس (ر) مقبول باقر کا کہنا تھا کہ کراچی میں سیکیورٹی کی صورتحال خراب ہے، کراچی میں لوٹ مار جاری ہے، قابو پانے کی کوشش کررہے ہیں، کچے میں آپریشن کے نتائج آنے لگ گئے ہیں، تھانوں اور اداروں میں پالیسی بنادی گئی، جلد بہتری آجائے گی، کرائم پر قابو پانے میں بھی جلد کامیاب ہوجائیں گے۔
یہ بھی پڑھیں: الیکشن کمیشن نے عام انتخابات کیلئے ابتدائی حلقہ بندیوں کی منظوری دیدی
ان کا کہنا تھا کہ الیکشن میں صورتحال دیکھ کر فوج طلب کرنے کی درخواست کریں گے، ہماری پوری کوشش ہوگی بہتر انداز میں الیکشن ہوسکے، الیکشن کرانا تو الیکشن کمیشن کی ذمے داری ہے ہم معاونت کریں گے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
