ہم سندھ میں پیپلز پارٹی کا بھرپور مقابلہ کریں گے: محمد زبیر
کراچی: محمد زبیر کا کہنا ہے کہ نواز شریف چوتھی بار وزیر اعظم پاکستان بنیں گے، ہم سندھ میں پیپلز پارٹی کا بھرپور مقابلہ کریں گے۔
مسلم لیگ (ن) کے رہنما محمد زبیر کا پریس کانفرنس کرتے ہوئے کہنا تھا کہ نواز شریف 3 بار پاکستان کے وزیر اعظم بنے، نواز شریف کو تینوں بار نکالا گیا، نواز شریف چوتھی بار وزیر اعظم پاکستان بنیں گے، نواز شریف کی حکومت اس بار 5 سال پورے کرے گی۔
محمد زبیر کا کہنا تھا کہ مسلم لیگ (ن) کے سابق ادوار میں ملک ترقی کررہا تھا، 2017 کو ختم ہونے والا ترقی کا سفر دوبارہ شروع ہوگا، 21 اکتوبر کو نواز شریف کی واپسی کا ون پوائنٹ ایجنڈا ہے۔
یہ بھی پڑھیں: چئیرمین پی ٹی آئی اڈیالہ جیل منتقل، نواز شریف والی بیرک میں رکھا جائے گا
ان کا کہنا تھا کہ ہم سندھ میں پیپلز پارٹی کا بھرپور مقابلہ کریں گے، پیپلز پارٹی نے سندھ میں 15 سال حکومت کی مگر فیل رہی، کوئی بھی شعبہ دیکھ لیں پیپلز پارٹی کی حکومت سندھ میں ناکام رہی۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.









