سندھ میں زمینی تنازعے پر دو گروپوں میں تصادم، 6 افراد مارے گئے
24 مارچ, 2024 14:16
صوبہ سندھ کے شہر نواب شاہ میں زمین کے تنازع پر مسلح تصادم کے نتیجے میں ایک افسوس ناک واقعہ پیش آیا ہے جس میں 6 افراد جاں بحق ہوگئے۔
تفصیلات کے مطابق مبینہ طور پر دو گروپوں نے ایک دوسرے پر فائرنگ کی جس کے نتیجے میں چھ افراد ہلاک ہوگئے۔
پولیس کے مطابق فائرنگ کا واقعہ حاجی وحید بخش ڈاہری گاؤں میں پیش آیا جہاں دو گروپوں کے درمیان زمین کا تنازع چل رہا تھا۔
پولیس کا مزید کہنا ہے کہ فائرنگ کے نتیجے میں 6 افراد ہلاک جبکہ متعدد افراد زخمی ہوئے ہیں۔
پولیس کے مطابق لاشوں اور زخمیوں کو اسپتال منتقل کردیا گیا ہے اور مزید قانونی کارروائی کی جارہی ہے۔
واضح رہے کہ اس سے قبل جامشورو کے قریب انڈس ہائی وے پر کار الٹ کر کھائی میں جا گری جس کے نتیجے میں 3 افراد جاں بحق ہوگئے تھے۔
پولیس کے مطابق انڈس ہائی وے پر جب پولیس نے ایک گاڑی کو رکنے کا اشارہ کیا تو گاڑی میں سوار افراد نے پولیس پر فائرنگ کردی اور فرار ہوگئے۔
پولیس نے جوابی فائرنگ کرتے ہوئے کار کا تعاقب کیا تب تیز رفتار گاڑی خانوٹ کے قریب گڑھے میں جا گری، جس کے نتیجے میں کار میں سوار تین افراد موقع پر ہی جاں بحق ہوگئے، جاں بحق افراد کی لاشوں کو نکال کر اسپتال منتقل کردیا گیا ہے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
