لاہور ہائی کورٹ کے ججز کو بھی دھمکی آمیز خطوط موصول
03 اپریل, 2024 14:22
اسلام آباد ہائی کورٹ کے ججز کے بعد لاہور ہائی کورٹ کے تین ججز کو بھی دھمکی آمیز خطوط موصول ہونے کا انکشاف ہوا ہے۔
لاہور ہائی کورٹ کے تین ججوں جسٹس شجاعت علی، جسٹس شاہد بلال اور جسٹس عالیہ نیلم نے مشکوک خطوط کا سراغ لگا لیا۔
دوسری جانب عدالتی ذرائع کے مطابق کوریئر کمپنی کے ملازم کو گرفتار کرلیا گیا، جب کہ سی ٹی ڈی اور پولیس حکام معاملے کی تحقیقات کے لیے لاہور ہائی کورٹ پہنچ گئے۔
پولیس نے خطوط پہنچانے والی کوریئر کمپنی کے سوار کو حراست میں لے لیا ہے۔ وہ مشکوک خطوط کا معائنہ کر رہے ہیں۔
اس سے قبل گزشتہ روز اسلام آباد ہائی کورٹ کے چیف جسٹس سمیت 8 ججز کو مشکوک خطوط موصول ہوئے تھے۔
ذرائع کے مطابق جب جج کے عملے نے خط کھولا تو اندر پاؤڈر موجود تھا، اسلام آباد پولیس کے ماہرین کی ٹیم اسلام آباد ہائی کورٹ پہنچی اور پاؤڈر کی نوعیت چیک کرنے کے لیے تحقیقات کا آغاز کردیا۔
عدالتی ذرائع کا کہنا ہے کہ ریشم نامی خاتون کی جانب سے بھیجے گئے خط کے اندر دھمکی آمیز نشان ہے جس کے ڈاک ایڈریس کا ذکر نہیں ہے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
