چیئرمین و ڈپٹی چیئرمین سینیٹ کا انتخاب عدالت میں چیلنج

پاکستان تحریک انصاف (پی ٹی آئی) نے چیئرمین سینیٹ اور ڈپٹی چیئرمین سینیٹ کے انتخاب کو اسلام آباد ہائی کورٹ میں چیلنج کردیا۔

درخواست میں عدالت سے استدعا کی گئی ہے کہ چونکہ ایوان نامکمل ہے لہٰذا چیئرمین سینیٹ اور ڈپٹی چیئرمین سینیٹ کا انتخاب روکا جائے۔

پاکستان تحریک انصاف (پی ٹی آئی) نے چیئرمین اور ڈپٹی چیئرمین سینیٹ کے انتخاب کا بائیکاٹ کرنے کا فیصلہ کیا ہے۔

پی ٹی آئی کی پولیٹیکل کور کمیٹی نے چیئرمین اور ڈپٹی چیئرمین سینیٹ کے انتخاب کو غیر آئینی قرار دے دیا۔

مزید پڑھیں:

سینیٹ اجلاس کل طلب، چیئرمین اور ڈپٹی چیئرمین کا انتخاب ہوگا

پاکستان تحریک انصاف (پی ٹی آئی) نے چیئرمین اور ڈپٹی چیئرمین سینیٹ کے انتخاب کا بائیکاٹ کرنے کا فیصلہ کیا ہے اور پارٹی انتخابات کو عدالت میں چیلنج کرے گی۔

کور کمیٹی کا کہنا تھا کہ ایوان نامکمل ہے اس لیے چیئرمین سینیٹ اور ڈپٹی چیئرمین کا انتخاب غیر آئینی ہے۔

رپورٹ میں مزید کہا گیا ہے کہ خیبرپختونخوا سے سینیٹرز کے انتخاب کے بغیر چیئرمین اور ڈپٹی چیئرمین کا انتخاب نہیں ہوسکتا۔ سینیٹ سیکریٹریٹ انتظامی کے سوا کوئی فیصلہ نہیں کر سکتا۔ سیکریٹری سینیٹ دباؤ میں آکر خود آئین کی تشریح نہیں کر سکتے۔

چیئرمین سینیٹ کے بغیر ایوان بالا صرف ایک محکمہ رہ گیا، پی ٹی آئی کی کور کمیٹی نے کہا کہ سینیٹ کو غیر فعال کرنے کے ذمہ داروں کے خلاف کارروائی کی جائے۔

جمہوری دور میں پہلی بار سینیٹ غیر فعال ہو گئی اور آئینی نظام کو کمزور کر دیا گیا۔

دوسری جانب صدر آصف علی زرداری نے سینیٹ کا اجلاس کل صبح نو بجے طلب کرلیاہے، سینیٹ اجلاس کے دوران نئے ارکان حلف اٹھائیں گے جب کہ چیئرمین اور ڈپٹی چیئرمین سینیٹ کا انتخاب بھی ہوگا۔