ویڈیو: گڈانی کے ساحل پر پہلی بار نایاب غوطے کھاتی وہیل دیکھی گئی

کراچی میں واقع گڈانی کے ساحل پر پہلی بار نایاب نسل کی دیو وہیکل سیاہ وہیل نمودار ہوتے ہوئے دیکھی گئی ہے۔

جی ٹی وی کے مطابق وہیل گڈانی کے ساحل سے دو کلو میٹر کے فاصلے پر دیکھی گئی ہے۔

ویڈیو میں دیکھا جاسکتا ہے کہ گڈانی کے ساحل پر پہلی بار نایاب غوطے کھاتی وہیل نظر آ رہی ہے۔

مقامی ماہی گیروں کے مطابق وہیل کی لمبائی 100  فٹ اور چوڑائی 50 فٹ تک ہوسکتی ہے۔

ڈبلیو ڈبلیو ایف پاکستان کے تکنیکی ایڈوائزر محمد معظم خان نے جی ٹی وی سے خصوصی گفتگو کرتے ہوئے کہا کہ دنیا میں چار بڑی وہیل مچھلیوں کی اقسام پائی جاتی ہیں، اکثر بیشتر اوقات یہ وہیل کھلے سمندر میں غوطے کھاتی ہوئی نظر آتی ہیں۔

انہوں نے کہا کہ ڈبلیو ڈبلیو ایف پاکستان کی جانب سے ماہی گیروں کو خصوصی ٹریننگ دی گئی کہ کس طرح ان قیمتی وہیل مچھلیوں کو شکار کے دوران جال میں پھنسنے کے نقصان سے بچایا جاسکے۔

ان کا کہنا تھا کہ یہ دنیا کا سب سے بڑا جانور ہے، اس وہیل کی لمبائی 100 فٹ اور چوڑائی 50 فٹ کے قریب ہوسکتی ہے۔ پاکستان میں یہ وہیل خطرات سے دو چار ہیں۔

ان وہیل مچھلیوں کے تحفظ کیلئے کام کی ضرورت ہے، پاکستان میں اس حوالے سے قوانین بنادیے گئے۔

ڈبلیو ڈبلیو ایف پاکستان نے انڈس سے شروع ہوکر بلوچستان اوماڑہ کے درمیان پھیلے علاقے کو (Important Marine Mammal areas- IMMAs)کو قرار دے دیا ہے۔

یہ وہ علاقے ہیں جہاں بڑی تعداد میں وہیل مچھلیوں کو دیکھا جاتا ہے یہ بڑی وہیل مچھلیوں کی  خاص آماجگاہ سمجھی جاتی ہے۔