مرکزی رویت ہلال کمیٹی کو مخلتف شہروں سے عید کا چاند نظر آنے کی 30 شہادتیں موصول
محکمہ موسمیات کے مطابق پاکستان میں آج شوال کا چاند نظر آنے کا قوی امکان ہے۔
شوال کا چاند دیکھنے کیلئے مرکزی رویت ہلال کمیٹی کا اجلاس اسلام آباد میں وزارت مذہبی امور کے دفتر میں چیئرمین رویت ہلال کمیٹی مولانا عبدالخبیر آزاد کی سربراہی میں جاری ہے۔.
کراچی سے عید کا چاند نظر آنے کی شہادتیں موصول ہوگئی ہیں، شوال کا چاند نظر آنے سے متعلق حتمی اعلان مرکزی رویت ہلال کمیٹی کرے گی۔
اس کے علاوہ کوہلو، پسنی اور گوادر سے بھی عید الفطر کا چاند نظر آنے کی اطلاعات موصول ہوگئی ہیں۔
محکمہ موسمیات کے ماہرین کے مطابق چاند آج شام نظر آنے کا امکان ہے، جبکہ شوال کے چاند کا حتمی اعلان مرکزی رویت ہلال کمیٹی کرے گی۔
دوسری جانب گزشتہ روز سعودی عرب میں شوال کا چاند نظر نہیں آیا جس کے پیش نظر سعودی عرب میں کل (بدھ) عید الفطر منائی جائے گی۔
اس کے علاوہ متحدہ عرب امارات، قطر اور آسٹریلیا میں بھی 10 اپریل کو عید الفطر منائی جائے گی جب کہ برطانیہ اور امریکا میں بھی ایک ہی عید کے امکانات بڑھ گئے ہیں۔
اس سے قبل حکومت پاکستان نے عید الفطر کی تعطیلات کا اعلان کیا تھا جو 10 اپریل سے شروع ہوں گی۔
کابینہ ڈویژن کی جانب سے جاری نوٹیفکیشن کے مطابق ہفتے میں پانچ دن کام کرنے والے دفاتر میں بدھ 10 اپریل سے جمعہ 12 اپریل تک تعطیلات کا اعلان کیا گیا ہے۔
تاہم ہفتہ میں چھ دن کام کرنے والے دفاتر میں ہفتہ 13 اپریل تک تعطیلات ہوں گی۔
عید الفطر اسلامی قمری کیلنڈر میں ایک اہم تہوار ہے ، جو رمضان کے مقدس مہینے کے اختتام پر منایا جاتا ہے ، جب دنیا بھر کے مسلمان روزے کا مہینہ مناتے ہیں۔
یہ تحمل نفس کے اس دور کے اختتام کی علامت ہے۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.









