اسٹاک مارکیٹ میں زبردست تاریخ ساز آغاز، انڈیکس 70 ہزار کی سطح عبور کرگیا
09 اپریل, 2024 12:23
پاکستان اسٹاک ایکسچینج (پی ایس ایکس) میں کاروبار کا زبردست آغاز ایک اور ریکارڈ سے ہوا جب 100 انڈیکس 70 ہزار پوائنٹس کی سطح عبور کرگیا۔
پاکستان اسٹاک ایکسچینج میں آج کاروبار کا مثبت آغاز ہوا جس میں 100 انڈیکس میں 398 پوائنٹس کا اضافہ ہوا اور انڈیکس 70 ہزارپوائنٹس کی سطح عبور کرتے ہوئے 70 ہزار 170.79 پوائنٹس پر ہے۔
گزشتہ روز کاروباری ہفتے کے آغاز پر 100 انڈیکس تاریخ میں پہلی مرتبہ 69 ہزار پوائنٹس کی سطح کو عبور کرتے ہوئے 69 ہزار 720 پر بند ہوا تھا۔
کے ایس ای-100 گزشتہ چند ہفتوں سے کامیابی کی دوڑ میں ہے اور نئی ریکارڈ بلندیوں پر پہنچ گیا ہے کیونکہ سرمایہ کار افراط زر کے کم اعداد و شمار، ڈالر کی اونچی آمد اور پاکستانی معیشت پر عمومی طور پر بہتر جذبات کے درمیان مالیاتی نرمی کے چکر پر انحصار کر رہے ہیں۔
منگل کے روز آٹوموبائل اسمبلرز، کمرشل بینکوں اور تیل و گیس کی تلاش کرنے والی کمپنیوں میں خریداری دیکھی گئی جبکہ پی پی ایل، او جی ڈی سی، پی ایس او، ایس این جی پی ایل، ایم ای بی ایل اور ایچ سی اے آر ٹریڈنگ کے انڈیکس میں بھی زبردست اضافہ دیکھا گیا۔
خیال رہے کہ گزشتہ کاروباری ہفتے میں بھی اسٹاک ایکسچینج میں تیزی دیکھی جارہی تھی اور 100 انڈیکس تاریخ میں پہلی مرتبہ 68 ہزار پوائنٹس کی سطح عبور کرگیا تھا۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
