ظالم شوہر نے بیوی سمیت 7 بچوں کو تیز دھار آلے سے قتل کردیا

11 اپریل, 2024 15:24

ظالم شوہر نے بیوی سمیت 7 بچوں کو تیز دھار آلے سے قتل کردیا

مظفرگڑھ کے تھانہ صدر علی پور میں گھریلو ناچاقی پرشوہر نے بیوی اور سات جگر گوشوں کو کلہاڑی کے وار کرکے قتل کردیا۔

جی ٹی وی کے مطابق سفاک قاتل سجاد حسین نے تھانے پہنچ کر گرفتاری دے دی۔

پولیس کے مطابق واقعہ مڈوالا میں پیش آیا جہاں ایک ظالم باپ نے ہتھوڑے اور کلہاڑی سے اپنے بچوں اور بیوی کو قتل کیا، قتل کیے گئے بچوں کی عمریں چھ ماہ سےسات سال کے درمیان ہیں۔

ڈی پی او سید حسنین حیدر بھی جائےوقوعہ پر پہنچ گئے۔

ذرائع کے مطابق قاتل ایک پاؤں سے معذور اور اسےمبینہ طور پر پاگل پن کے دورے بھی پڑتے تھے۔