صوبہ پنجاب میں آسمانی بجلی گرنے سے 10 افراد جاں بحق
13 اپریل, 2024 16:39
فائل فوٹو
رحیم یار خان سمیت پنجاب کے مختلف علاقوں میں آسمانی بجلی گرنے کے مختلف واقعات میں 10 افراد جاں بحق ہو گئے۔
ریسکیو ذرائع کے مطابق رحیم یار خان کے گاؤں کلوار میں آسمانی بجلی گرنے سے 2 بچے جاں بحق ہوگئے جب کہ تھل حسن میں آسمانی بجلی گرنے سے ایک شخص جاں بحق ہوگیا۔
ذرائع نے بتایا کہ بستی کھوکھراں فیروزہ میں آسمانی بجلی گرنے سے میاں بیوی جاں بحق ہوگئے۔
ریسکیو ذرائع کا بتانا ہے کہ رحیم یار خان کی بستی کھوکھراں فیروزہ میں بھی آسمانی بجلی گرنے سے میاں بیوی جاں بحق ہوئے جبکہ ماڑی اللّٰہ بچایا میں ایک چرواہا اور خان بیلہ میں ایک کسان آسمانی بجلی گرنے سے جاں بحق ہوا۔
دوسری جانب بہاولپور کے علاقے خیرپور ڈاھا کے قریب آسمانی بجلی گرنے سے خاتون جاں بحق ہوئی جبکہ علاقہ چک 113 میں 8 سال کا بچہ آسمانی بجلی گرنے سے جاں بحق ہوا۔
دریں اثنا راجن پور اور بھکر سمیت پنجاب کے متعدد شہروں میں گرج چمک کے ساتھ موسم خوشگوار ہوگیا۔
یاد رہے کہ بلوچستان میں موسلا دھار بارش کے دوران سوراب میں آسمانی بجلی گرنے سے 3 نوجوان جاں بحق ہوگئے تھے۔
خیبر پختونخوا میں پاراچنار شہر اور ملحقہ علاقوں میں بارش اور پہاڑوں پر برفباری ہوئی جبکہ کوئٹہ اور اس کے گردونواح میں بھی موسلا دھار بارش ہوئی۔ وادی نیلم میں بھی تیز ہواؤں کے ساتھ موسلا دھار بارش ہوئی۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
