سندھ میں اساتذہ کیلئے بڑی خوشخبری، خالی اسامیاں پر کرنے کا فیصلہ
16 اپریل, 2024 13:01
محکمہ تعلیم سندھ نے صوبے سندھ بھر میں اساتذہ کی 14 ہزار 40 خالی اسامیاں پر کرنے کی تیاریاں شروع کردیں۔
جی ٹی وی کے مطابق صوبے بھر میں پرائمری ٹیچر کی 9 ہزار 315 خالی اسامیوں پر بھرتیاں کی جائیں گی جس میں 4 ہزار 725 جونیئر اسکول ٹیچرز کی خالی اسامیوں پر بھی بھرتیاں کرنے کا فیصلہ کیا گیا ہے۔
تمام اضلاع کے ڈسٹرکٹ ایجوکیشن افسران نے لسٹ تیار کر لی، لسٹ کے مطابق شہر کراچی میں پرائمری ٹیچرز کی 4 ہزار295 خالی اسامیوں کو پر کیا جائے گا، ایک ہزار 260 جونیئر ٹیچرز کو بھرتی کیا جائے گا۔
لسٹ میں مزید لکھا گیا کہ حیدر آباد میں 2 ہزار 731 پرائمری ٹیچرز کو بھرتی کیا جائے گا، 2 ہزار 731 جونیئر اسکول ٹیچرز کی خالی اسامیوں کو بھی پر کیا جائے گا، لاڑکانہ میں پرائمری سائیڈ پر ایک ہزار 74 اور 503جونیئر ٹیچر بھرتی کرنے کا فیصلہ کیا گیا ہے، جب کہ سکھر میں ایک ہزار 215 پرائمری اور 231 جونیئر ٹیچرز بھرتی ہوں گے۔
خیال رہے کہ صوبے بھر میں بھرتی ہونے والے تمام امیدوار ویٹنگ پر ہیں، 2021 میں امیدواروں نے میرٹ ٹیسٹ پاس کیا تھا۔
واضح رہے کہ نگراں حکومت سندھ نے ویٹنگ پر موجود امیدواروں کی بھرتیوں پر پابندی عائد کر رکھی تھی۔
Catch all the بریکنگ نیوز News, پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
