حلیم عادل شیخ نے سابقہ پی ٹی آئی رہنماؤں کو غدار قرار دے دیا

پاکستان تحریک انصاف (پی ٹی آئی) سندھ کے صدر حلیم عادل شیخ نے عمران اسماعیل، علی زیدی اور اسد عمر کو غدار قرار دے دیا۔

جیو نیوز کے مطابق پی ٹی آئی سندھ کے صدر حلیم عادل شیخ نے کہا کہ ہمارے درمیان کوئی بات نہیں ہوتی، اگر یہ کردار غداری نہ کرتے تو بانی پی ٹی آئی آج جیل میں نہ ہوتے۔

سندھ ہائی کورٹ میں پیشی کے موقع پر میڈیا سے گفتگو کرتے ہوئے حلیم عادل شیخ کا کہنا تھا کہ فی الحال ان غداروں کیلئے پارٹی میں نو انٹری ہے۔

پی ٹی آئی سندھ کے صدر نے مزید کہا کہ 8 فروری کی رات تک یہی سمجھا جا رہا تھا کہ تحریک انصاف ختم ہوگئی ہے۔

ان کا کہنا تھا کہ جس نے پارٹی سے غداری کی ہے اس نے بانی چیئرمین سے غداری کی ہے، یہ لوگ بانی پی ٹی آئی سے غداری نہ کرتے تو وہ آج جیل میں نہ ہوتے۔