ملک بھر میں آج سے موسلادھار بارشوں کا امکان

مغربی ہواؤں کا نیا سلسلہ آج سے پاکستان میں داخل ہو رہا ہے جس سے ملک کے مختلف شہروں میں موسلادھار بارشوں کا امکان ہے۔

محکمہ موسمیات کے مطابق تازہ بارش کے اثر کے تحت آج سے 29 اپریل تک مختلف مقامات پر گرج چمک کے ساتھ بارش کا امکان ہے۔ ترجمان این ڈی ایم اے کا کہنا ہے کہ 26 سے 27 اپریل تک بلوچستان کے ندی نالوں میں سیلاب کا خطرہ ہے۔

مزید پڑھیں:

ملک کے مختلف شہروں میں تیز بارشوں کا امکان

انہوں نے کہا کہ خیبرپختونخوا میں 27 سے 28 اپریل تک موسلا دھار بارشوں اور ندی نالوں میں طغیانی کا امکان ہے۔

بالائی خیبر پختونخوا، مری، گلیات، کشمیر اور گلگت بلتستان میں 27 سے 29 اپریل تک لینڈ سلائیڈنگ کا امکان ہے۔

ترجمان پی ڈی ایم کا کہنا ہے کہ پی ڈی ایم اے اور دیگر اداروں کو الرٹ رہنے کی ہدایت کی گئی ہے۔