خیبرپختونخوا میں سیکیورٹی فورسز کی کارروائیاں، 9 خوارج ہلاک

خیبرپختونخوا میں سیکیورٹی فورسز نے دو مخلف کارروائیاں کی جس کے نتیجے میں 9 خارجی مارے گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے مہمند ایجنسی میں انٹیلیجنس پر مبنی ایک آپریشن کے دوران 7 خارجیوں کو ہلاک کیا۔

آئی ایس پی آر کے مطابق دہشتگردوں سے فائرنگ کے تبادلے میں حوالدار محمد زاہد اور سپاہی آفتاب علی شاہ شہید ہوئے۔

ترجمان پاک فوج کے مطابق ڈی آئی خان کے علاقے مڈی میں سیکیورٹی فورسز اور دہشت گردوں کے درمیان جھڑپ کے دوران 2 دہشتگرد جہنم واصل ہوئے۔ کارروائی کے دوران دہشت گردوں کے قبضے سے اسلحہ اور گولہ بارود بھی برآمد ہوا۔

آئی ایس پی آر نے مزید کہا کہ سیکیورٹی فورسز کا علاقے میں کلیئرنس آپریشن جاری ہے اور دہشت گردی کے خاتمے تک ایسی کارروائیاں جاری رکھی جائیں گی۔