پاک بحریہ کی دوسری ہنگور کلاس آبدوز پی این ایس شوشک کی لانچنگ تقریب

چین میں پاک بحریہ کی دوسری ہنگور کلاس آبدوز پی این ایس شوشک کی لانچنگ تقریب سجائی گئی۔

پاک فوج کے شعبہ تعلقات عامہ آئی ایس پی آر کے مطابق اس اہم تقریب میں وائس چیف آف دی نیول اسٹاف وائس ایڈمرل اویس احمد بلگرامی مہمان خصوصی تھے۔

آئی ایس پی آر کے مطابق لانچنگ تقریب میں پاکستان اور چین کے اعلیٰ حکام نے شرکت کی۔ یہ پروجیکٹ پاک چین دوستی میں نئی جہت کا اضافہ کرے گا۔

ترجمان پاک فوج کے مطابق چینی صدر کے دورہ پاکستان میں 8 ہنگور کلاس آبدوزوں کے حصول کے معاہدہ ہوا تھا۔

سیکیورٹی حکام کے مطابق 4 آبدوزیں چین اور4 کراچی شپ یارڈ میں ٹرانسفر آف ٹیکنالوجی کے تحت تعمیر کی جائیں گی۔