مفتی تقی عثمانی اور مفتی منیب الرحمان نے اسرائیل کیخلاف بڑا اعلان کردیا

مفتی تقی عثمانی اور مفتی منیب الرحمان نے اسرائیل کیخلاف بڑا اعلان کردیا ہے۔

مفی تقی عثمانی کا کہنا ہے کہ مسلم حکومتوں پر غزہ کے لیے جہاد فرض ہوچکا ہے، آنکھوں کے سامنے 50 ہزار کلمہ گو ذبح کردیے گئے۔ مسلم ملکوں کی فوجیں اور اسلحہ کس کام کا ہے۔

انہوں نے کہا کہ تقاضا یہ تھا کہ ہم یہاں جمع ہونے کی بجائے غزہ میں جمع ہوتے، ہم فلسطین مجاہدین کے لیے عملی طور پر کچھ نہیں کرپارہے۔ جنگ بندی معاہدے کے باوجود غزہ میں بمباری جاری ہے، اسرائیل کو اخلاقی اقدار کا پاس ہے نہ ہی عالمی قوانین کی قدر ہے۔

مفتی تقی عثمانی نے کہا کہ امت مسلمہ قبلہ اول کی حفاظت کرنے والے مجاہدین کی مدد نہیں کرسکی، امت مسلمہ آج قراردادوں اور کانفرنسوں پر لگی ہے۔ ہونا تو یہ چاہیے تھا کہ امت مسلمہ جہاد کا اعلان کرتی۔

دوسری جانب مفتی منیب الرحمان نے اقوام متحدہ اور سلامتی کونسل کو بے حس قرار دیتے ہوئے کہا کہ مسلمانوں پر جہاد فرض اور فلسطین کی نصرت واجب ہے۔