پاکستان سمیت دنیا کے مختلف ممالک میں واٹس ایپ سروس متاثر

پاکستان میں واٹس ایپ سروس متاثر ہونے سے صارفین کو پریشانی کا سامنا ہے۔

پاکستان میں واٹس ایپ صارفین کو مسیج بھیجنے اور موصول کرنے میں مشکلات درپیش آرہی ہیں۔  کئی مرتبہ لاگ آؤٹ اور لاگ ان کرنے کے بعد بھی کوئی فرق نہیں پڑ رہا۔

واٹس ایپ سروسز میں خلل کی وجہ سے سینکڑوں صارفین موبائل ایپلیکیشن اور ویب ورژن پر رابطہ قائم کرنے اور پیغامات بھینے سے قاصر ہیں۔ واٹس ایپ سے منسلک دفتری معاملات بھی بہتر طریقے سے ادا نہیں ہورہے۔

عالمی سطح پر بھی تقریباً 1000 سے زائد صارفین نے اسی طرح کے مسائل کی اطلاع دی ہے جس میں 91 فیصد نے پیغام بھیجنے میں دشواریوں کا حوالہ دیا ہے۔

رپورٹ کے مطابق 6 فیصد صارفین نے ایپ کے مسائل کی نشاندہی کی جبکہ 3 فیصد کو پیغامات وصول کرنے میں مسائل کا سامنا ہے۔ میٹا کی جانب سے ابھی تک کوئی بیان جاری نہیں کیا گیا ہے جس میں وسیع پیمانے پر سروس متاثر ہونے کی وجہ بتائی جائے۔