حکومت کا ملکی معیشت کو مکمل طور پر ڈیجیٹلائز کرنے کا فیصلہ

اسلام آباد: حکومت نے ملکی معیشت کو مکمل طور پر ڈیجیٹلائز کرنے کا فیصلہ کرلیا ہے۔

وزیر اعظم محمد شہباز شریف کی زیرِ صدارت ملکی معیشت کی ڈیجیٹلائزیشن پر جائزہ اجلاس ہوا جس میں انہوں نے متعلقہ وزارتوں اور اداروں کو ٹاسک سونپ دیے۔

اس موقع پر وزیر اعظم محمد شہباز شریف نے کہا کہ معیشت کی بہتری، غیر رسمی مساوی معیشت کا خاتمہ اصلاحات کے ایجنڈے کا کلیدی جزو ہے، اصلاحات مربوط ، اداروں کی سطح پر کررہے ہیں تاکہ تبدیلی پائیدار، دیرپا ہو۔

ان کا کہنا تھا کہ پاکستان کی ترقی کیلئے نظام کو جدید خطوط پر استوار کررہے ہیں۔

وزیر اعظم نے متعلقہ حکام کو فی الفور متحرک ورکنگ گروپ قائم کرنے کی ہدایت دی۔