یونیورسٹی کے اساتذہ کروڑوں روپے کی اسکالرشپ لیکر فرار

لاہور: پنجاب یونیورسٹی کے 12 اساتذہ کروڑوں روپے کی اسکالرشپ لے کر بیرون ملک فرار ہو گئے۔

میڈیا رپورٹ کے مطابق پنجاب یونیورسٹی نے 12 مفرور اساتذہ سے رقوم کی ریکیوری کیلئے فیڈرل انویسٹی گیشن (ایف آئی اے) کو خط لکھنے کا فیصلہ کرلیا ہے۔

مفرور اساتذہ کے شناختی کارڈ،  پاسپورٹ کو بلاک کرنے کے لئے پنجاب یونیورسٹی وزارت خارجہ اور وزارت داخلہ کو خط لکھے گی۔

پنجاب یونیورسٹی کے 56 اساتذہ کو بیرون ملک پی ایچ ڈی کرنے کیلئے کروڑوں کی گرانٹ ملی۔ 56 میں سے 12 اساتذہ نے اسکالرشپ حاصل کرنے کے بعد یونیورسٹی جوائن نہ کی۔

ترجمان کے مطابق قانون کے مطابق تمام اساتذہ کو بیرون ملک پی ایچ ڈی کرنے کے بعد 5 سال یونیورسٹی میں سروس دینی تھی، ڈیوٹی جوائن نہ کرنے پر مفرور اساتذہ کو معاہدے کے مطابق یونیورسٹی کو کروڑوں روپے ادا کرنے تھے۔

خیال رہے کہ پنجاب یونیورسٹی کے 7 اساتذہ ایچ ای سی کی اسکالرشپ جبکہ 5 اساتذہ  یونیورسٹی کی  اسکالرشپ لے کر فرار ہو چکے ہیں۔

فرار ہونے والے اساتذہ کے نام  اور رقم:

پنجاب یونیورسٹی جی آئی ایس سنٹرکی فرح ستار70 لاکھ

جی آئی ایس سنٹر کے سید محسن علی 1 کروڑ 40 لاکھ

انسٹی ٹیوٹ آف ایڈمنسٹریٹو سائنسز کی کرن عائشہ ایک کروڑ روپے

شعبہ ایم ایم جی کی رابعہ عباد 90 لاکھ روپے

آئی کیو ٹی ایم کے خواجہ خرم خورشید 84 لاکھ روپے

ہیلی کالج آف کامرس کی شمائلہ اسحاق ایک کروڑ 61 لاکھ روپے

سنٹر فار کول ٹیکنالوجی کے عثمان رحیم 72 لاکھ روپے

کالج آف انجینئرنگ کے سلمان عزیز 90 لاکھ، جی آئی ایس کے محمد نواز 72 لاکھ روپے

پی یو سی آئی ٹی کی جویریہ اقبال 60 لاکھ روپے

ایڈمنسٹریٹو سائنسز کی سیماب آرا 1 کروڑ، سامعہ محمود 1 کروڑ 16 لاکھ روپے