بھارت نے جو کچھ کیا سب کی توجہ اس پر ہے، اٹارنی جنرل پاکستان

اسلام آباد: اٹارنی جنرل پاکستان نے کہا ہے کہ بھارت نے جو کچھ کیا سب کی توجہ اس پر ہے۔

تفصیلات کے مطابق فوجی عدالتوں میں سویلینز کے ٹرائل سے متعلق کیس میں اٹارنی جنرل نے اپنے بیان میں کہا کہ ملٹری ٹرائل کا سامنا کرنے والوں کو اپیل کا حق دینے کا معاملہ پالیسی میٹر ہے اور اس پر ہدایات لے کر ہی گزارشات عدالت کے سامنے رکھ سکتا ہوں۔

انہوں نے کہا کہ بھارت نے جو کچھ کیا سب کی توجہ اس پر ہے اور آج عالمی عدالت انصاف روانگی تھی لیکن منسوخ کردی۔

اس پر آئینی بینچ کے رکن جسٹس جمال خان مندوخیل کا کہنا تھا کہ پارلیمنٹ نے جو کرنا ہے کرے وہ ان کا پالیسی معاملہ ہے، ہم نے صرف اس کیس کی حد تک معاملہ دیکھنا ہے۔

جسٹس محمد علی مظہر نے پوچھا دلائل میں کتنا وقت درکار ہوگا؟ اٹارنی جنرل نے کہا وہ 45 منٹ میں دلائل مکمل کر لیں گے۔

بعد ازاں عدالت نے کیس کی مزید سماعت 5 مئی تک ملتوی کردی گئی۔