پاکستان کے عوام آرام کریں، پاک فوج پاکستان کی حفاظت کررہی ہے؛ خواجہ آصف

وفاقی وزیر دفاع خواجہ آصف نے کہا ہے کہ پاکستان کے عوام آرام کریں، پاک فوج پاکستان کی حفاظت کررہی ہے۔

وفاقی وزیر دفاع خواجہ آصف نے پارلیمنٹ ہاؤس کے باہر میڈیا سے گفتگو کرتے ہوئے کہا کہ بھارت ہر طرف سے مار کھا رہا ہے۔

انہوں نے کہا کہ بھارت نے اپنے عوام کو بھی مطمئن رکھنا ہے، بھارت اپنے عوام کو یہ تو نہیں بتائے گا کہ ان کو ہر طرف سے مار پڑ رہی ہے، بھارت کا جھوٹ بے نقاب ہو رہا ہے۔

ان کا مزید کہنا تھا کہ پاکستان نے کسی سویلین علاقے کو نشانہ نہیں بنایا، پاکستان نے صرف ملٹری ٹارگٹ کو نشانہ بنایا ہے، پاکستان کے عوام آرام کریں، پاک فوج پاکستان کی حفاظت کر رہی ہے۔