مٹھی بھر دہشتگرد بلوچستان، پاکستان کی ترقی اور خوشحالی کا راستہ نہیں روک سکتے، ڈی جی آئی ایس پی آر

پاک فوج کے شعبہ تعلقات عامہ (آئی ایس پی آر) کے سربراہ لیفٹیننٹ جنرل احمد شریف چوہدری نے کہا ہے کہ مٹھی بھر دہشتگرد بلوچستان، پاکستان کی ترقی اور خوشحالی کا راستہ نہیں روک سکتے۔

ڈی جی آئی ایس پی آر یفٹیننٹ جنرل احمد شریف چوہدری کنگ ایڈورڈ میڈیکل یونیورسٹی کا دورہ کیا جہاں یونیورسٹی انتظامیہ اور طلبہ نے ان کا پرتپاک استقبال کیا۔

لیفٹیننٹ جنرل احمد شریف نے آپریشن بنیان مرصوص میں پاک افواج کی حکمت عملی پر روشنی ڈالی۔

انہوں نے کہا کہ معرکہ حق میں عوام کی حمایت بالخصوص نوجوانوں کا کردار اہم رہا، کشمیر پاکستان کی شہ رگ  ہے اور رہے گا۔

ان کا کہنا تھا کہ بلوچ عوام پاکستان سے تاریخ، مذہب، ثقافت اور روایت کے رشتوں میں جڑے ہیں، مٹھی بھر دہشتگرد بلوچستان ،پاکستان کی ترقی ،خوشحالی کا راستہ نہیں روک سکتے۔

طلبا و طالبات نے آپریشن بنیان مرصوص کی تاریخی فتح پر افواج پاکستان کو خراج تحسین پیش کیا۔

طلبا و طالبات اور فیکلٹی ممبران نے مزید ایسے انٹرایکٹیو سیشنز کے انعقاد کی خواہش کا اظہار کیا۔