پی ٹی آئی رہنما شبلی فراز کے ناقابل ضمانت وارنٹ گرفتاری جاری

عدالت نے پی ٹی آئی کے رہنما شبلی فراز کے ناقابل ضمانت وارنٹ گرفتاری جاری کرکے بانی پی ٹی آئی کو بھی طلب کر لیا۔

تفصیلات کے مطابق لاہور کچہری میں جوڈیشل مجسٹریٹ سہیل رفیق نے بانی پی ٹی آئی کی رہائشگاہ کے باہر اسلام آباد پولیس پر حملے سے متعلق مقدمے کی سماعت کی۔

عدالت نے شبلی فراز کے ناقابل ضمانت وارنٹ گرفتاری جاری کر دیئے جبکہ بانی پی ٹی آئی کو 30 جولائی کو طلب کر لیا۔

عدالت نے بانی پی ٹی آئی کے سمن نوٹس اڈیالہ جیل حکام کے نام جاری کرکے مقدمے کی آئندہ سماعت کیلئے 30 جولائی کی تاریخ مقرر کر دی۔

یاد رہے کہ تھانہ ریس کورس پولیس نے اسلام آباد پولیس پر حملے کے الزام میں یہ مقدمہ درج کر رکھا ہے۔