افواج پاکستان کا 9مئی پر دو ٹوک اور واضح مؤقف

راولپنڈی: افواج پاکستان کا 9 مئی واقعے پر دو ٹوک اور واضح مؤقف سامنے آگیا۔

پاک فوج کے شعبہ تعلقات عامہ کے سربراہ ڈائریکٹر جنرل آئی ایس پی آر نے کہا کہ 9 مئی صرف افواج کا نہیں پاکستانی عوام کا مقدمہ ہے۔

ڈی جی آئی ایس پی آر نے بیان میں کہا کہ سانحہ 9 مئی کو پاکستان کی تاریخ میں کبھی بھلایا نہیں جاسکتا، سانحہ 9 مئی میں ملوث عناصر کو آئین و قانون کے مطابق سزا دی جائے گی۔

ڈی جی آئی ایس پی آر کا مزید کہنا تھا کہ سانحہ 9 مئی کے منصوبہ سازوں، سہولت کاروں کو معاف نہیں کیا جاسکتا، بے شک سانحہ 9مئی میں ملوث عناصر کا تعلق کسی ادارے سے ہی کیوں نہ ہو۔