رحیم یار خان: پولیس چوکی پر ڈاکوؤں کے حملے میں 5 اہلکار شہید

رحیم یار خان میں پولیس چوکی پر ڈاکوؤں نے حملہ کیا جس کے نتیجے میں 5 اہلکار شہید جبکہ 2 زخمی ہوگئے۔

پولیس کے مطابق رحیم یار خان کی شیخانی پولیس چوکی پر ڈاکوؤں کی جانب سے حملہ  کیا گیا جس میں 5 پولیس اہلکار شہید جبکہ 2 زخمی  ہوئے۔

ترجمان پولیس نے بتایا کہ فائرنگ کے تبادلے میں ایک ڈاکو بھی مارا گیا۔

پولیس کا کہنا ہے کہ شہید اہلکاروں میں محمد عرفان، محمد سلیم اور محمد خلیل، کانسٹیبل نخیل، غضنفر عباس شامل  ہیں۔

شہید ہونے والے 2 اہلکاروں کا تعلق رحیم یارخان جبکہ 3  کا تعلق بہاول نگر سے ہے ۔