سرکاری ملازمین کیلئے بُری خبر

پنجاب حکومت نے طبی عملے کی سالانہ چھٹیوں سے متعلق نئی پالیسی متعارف کرادی ہے۔

 پنجاب حکومت کی جانب سے طبی عملے کی سالانہ چھٹیوں سے متعلق نئی پالیسی کے تحت عملے کو اب صرف تین ہفتے کی گرمیوں کی چھٹیاں دی جائیں گی، تاہم ان چھٹیوں کے دوران کسی قسم کی تنخواہ یا مالی ادائیگی نہیں کی جائے گی۔

 محکمہ صحت پنجاب کے مطابق طبی عملے کیلئے چھٹیاں ایک سہولت ہیں، نہ کہ ان کا حق، لہٰذا اس پر پالیسی سخت کی گئی ہے۔ اس حوالے سے محکمہ صحت نے باضابطہ طور پر نوٹیفکیشن بھی جاری کردیا ہے۔

نوٹیفکیشن کے مطابق صوبے کے تمام اسپتالوں میں کم از کم 67 فیصد کلینیکل فیکلٹی اور 50 فیصد بیسک سائنسز فیکلٹی کا دورانِ چھٹی ڈیوٹی پر موجود رہنا لازم ہوگا۔ اس پالیسی پر عمل درآمد کو یقینی بنانے کیلئے ہر طبی ادارے میں ’لیو مینجمنٹ کمیٹی‘ قائم کی جائے گی، جو سالانہ چھٹیوں کا شیڈول (لیو روسٹر) ہر سال 30 اپریل سے قبل جمع کروانے کی پابند ہوگی۔