کراچی میں موٹرسائیکل سواروں کیلئے خوشخبری

کراچی میں موٹرسائیکل سواروں کیلئے خوشی کی خبر سامنے آئی ہے کہ سندھ میں نئی نمبر پلیٹس کے اجرا کی تاریخ میں توسیع کر دی گئی۔

جی ٹی وی نیوز کے مطابق سکیورٹی فیچر نمبر پلیٹس کی ڈیڈ لائن 14 اگست سے بڑھاکر 31 اکتوبر کردی گئی جبکہ چیئرمین بلاول بھٹو زرداری سے سندھ اسمبلی میں پاکستان پیپلزپارٹی کے چیف وہپ اور ایکسائز، ٹیکسیشن اور نارکوٹکس کے وزیر مکیش کمار چاولہ نے ملاقات کی۔

چیئرمین بلاول بھٹو زرداری کو سندھ اسمبلی میں پاکستان پیپلزپارٹی کے چیف وہپ مکیش چاولہ نے پی پی پی اراکین سندھ اسمبلی کی حاضری اور کارکردگی سے آگاہ کیا۔

چیئرمین بلاول بھٹو زرداری کو مکیش کمار چاولہ کی بریفنگ میں بتایا گیا کہ سندھ میں سیف سٹی پراجیکٹ کے تحت گاڑیوں کی سیکیورٹی فیچر کے ساتھ نمبر پلیٹ اپ ڈیٹ کرنے کی مہم تیز کردی گئی۔

بریفنگ کے مطابق سکیورٹی فیچر والی گاڑیوں کی نمبر پلیٹوں کے بعد صوبے میں سیکیورٹی کی صورت حال مزید بہتر ہوگی، عوام کی سہولت کے پیش نظر سکیورٹی فیچر والی نمبر پلیٹوں کو نصب کرنے کی ڈیڈ لائن میں اضافہ کیا جائے۔

چیئرمین بلاول بھٹو زرداری کی ہدایت پر سندھ میں ایکسائز اینڈ ٹیکسیشن کے وزیر مکیش کمار چاولہ نے سیکیورٹی فیچر والی نمبر پلیٹوں کو نصب کرنے کی ڈیڈ لائن 14 اگست سے بڑھا کر 31 اکتوبر کردی گئی۔

چیئرمین بلاول بھٹو زرداری کو مکیش کمار چاولہ کی بریفنگ میں کہا گیا کہ سندھ نارکوٹکس ڈیپارٹمنٹ نے 7ارب روپے کی ریکارڈ مالیت کی منشیات کو ضبط کیا۔